إعترافات خطيرة
كل واحد فينا جواه الحلو وجواه الوحش
أنا النهارده هتكلم عن الصفات السيئة اللي جوايا ... بصراحة وبكل وضوح حاولت كتير اغيرهااااا بس ما عرفت !!
اول صفة سيئة هي التشاؤم او بمعني أصح عدم التفاؤل ،، كل الناس مبدأها ف الحياة "بص علي نص الكوباية المليان" بس انا غير الناس دي خالص .. انا اتعودت اني انتظر السئ عشان لو جه ما افرح اووووي ولو ما جاش ما ازعل ؛؛ اي نعم هو فكر عقيم بس ده ناتج لترسيب افكار سلبية من زمان ...
تاني صفة سيئة هي إنعدام الطموح وده ناتج عن تحطيم كم كبير من احلامي ؛؛ الاحلام اللي اتحطمت علي يد حاجات كتير منها القدر -وانا مؤمن بيه جدآ- وناس وثقت فيها وحاجات تانيه كتير كل ده سبب لي فقدان للطموح والاحلام ...
تالت صفة سيئة هي الثقة المفرطة اي نعم الناس بالنسبة لي عبارة عن تحليل وتفنيط بس كتير من الاوقات بختار ناس واضع فيهم ثقة وبيخذلوني ؛؛ ده ف حد ذاته بيأثر فيا كتييير واقول هتعلم من اخطائي ومش بتعلم وارجع واندم تاني علي اشخاص خذلوني ...
حققت نص السكة واعترفت قدام كل الناس ببعض من صفاتي السيئة والنص التاني قادم لا محالة بإذن الله "خطوة التصحيح"
تعليقات