سعادة لحظية

كتير من الوقت اللي بقعد فيه مع نفسي وافضل ساكت وفي لحظات الصمت الرهيبة بيتوارد الي خاطري مجموعة من الافكار والذكريات والتفكير ف المستقبل والمشاكل وحاجات كتير جدآ .... بس المشكلة إن كل حاجة دخلت ف بعضها لدرجة إني ما بقيت عارف ؛ هل افرح ؟ هل احزن ؟ طب انا مهموم !! هل انا شخص كويس ؟؟ هل انا شخص سئ ؟؟
كل الاسئلة دي من كتر ما هي ف دماغي نسيت اصلآ "أنا مين ؟؟؟؟؟؟؟" ....
لحد ما بتيجي لحظة وبيتغير كل ده لبضع ساعات بتحول من كائن صامت زهقان ومهموم الي شخص حيوي وسعيد ونشيط ومرح .... طبعآ اللي ما يعرفني يقول عليا مريض بالشيزوفرينيا ؛ بس للاسف كل الحكاية بتتخلص في مصطلح ( السعادة اللحظية ) ....
تلك السعادة اللي بعيشها من آن لاخر عندما اكون مع اصدقائي ....
ومع إني عارف اني مهما بلغت من السعادة إلا إني هرجع تاني للصمت والتفكير ف السلبيات المبهمة اي نعم التعبير ده معقد شوية بس ده دليل علي ان الافكار السلبية بدأت تأخد مكان داخل تفكيري بشكل غير مرئي حيث يصعب السيطرة عليها .....
لذلك بقتنص اي لحظة سعادة بشوفها قدامي ..... مين عالم مش يمكن تكون لحظة السعاده الاخيرة بالنسبة لي :)