مش شرط هدية المهم النفسية

صباح يوم الجمعة الساعة تسعة صباحآ بداية يوم من أجمل أيام حياتي
|
|
إنك تفكر تخرج والدتك مش بس خروج لاماكن عامة لا تخرجها كمان من الضغط النفسي والاكتئاب بتاع البيت وقرفه ... التفكير في حاجة زي دي تستاهل نيشان ，
كل عيد ام بفكر هجيب هدية شكلها إيه بس برجع واقول لنفسي ف السنة اللي بعدها هو إيه اللي انا جبته السنة اللي فاتت .... اما انا مش فاكر والدتي هتفتكر إزاي .... لحد ما عرفت ان سر السعادة مش ف الهدية سر السعادة ف النفسية ...
|
|
اول المطاف كان تأدية صلاة الجمعة ف مسجد السيدة عائشة رضي الله عنها ولحظنا الحلو كان بعد الصلاة في صلاة جنازة -تزويد حسنات- وبعد كده توجهنا للمحطة الثانية وهي دخول القلعة ... عارف يعني إيه والدتك تقولك نفسي ادخل القلعة وانت حاطط القلعة ف البرنامج -إنشكاح بكل المقاييس-
دخلنا القلعة واتبسطنا وخرجنا عشان نتغدي ومن بعد كل محطة بنمر بيها تفتكر ان دي نهاية الرحلة بس عنصر المفأجاة بيلعب دور مهم اووووي ومفرح آخر الرحلة دخلنا سينما واتفرجنا علي فيلم يوم ملوش لازمه ..... وقبل بداية الفيلم امي تقولي ربنا يخليك ليا وينجحك ويفرحك وتبوسني علي خدي ... ده ف حد ذاته يخليني فرحان تلت سنين قدام .....
|
|
الخلاصة اني اكتشفت إن السعادة لما تحس ان اللي قدامك راضي عنك وبيحبك وخصوصآ لما تبقي اعز انساسة عندي ف الحياة #امي #وزتي #حبيبتي
( ربنا يخليها ليا وما يحرمني منها )